Mercara yo en San Cucau una vaca a Xuan de Serbo, que tan bona nunca la hubo nin tan bona en tol conceyu, de llechi daba la probe, y mialma si pizca miento, 14 o 15 cuartillos, tanque más o tanque menos, pero del ultimo partu dexo de dar lleche un teto, y non daba más que 13, po lo que tuve el recelo de que escosaran los outros, y a vendela ya resueltu, dixe yo a la mió Rosona: el xuebes vamos pa Uvieu y si vendemos la Norma desde el mercau diremos a ver la comedia el tiatru y asina foy en efeuto, el xuebes po la mañana entamámosla pa Uvieu, en San Llazaro topamos con Pinon de Pacho Riesgo, que me ofreció por la Norma la mió baca 1500, pero yo quería mil siete, y Pinon que ye más terco, quiuna gocha tevergana, porfiaba vocinglero a que de llechi non daba 10 cuartillos, ¡que magüeto, da los 13 bien cumplíos dixe yo y pa convéncelo propuse catala en casa dalgun escordia en tercero, y allí mesmo en la pasera entramos en ca el ferreru y alli mesmo se cerro el trato en 1700. Como yera muy temprano caminamos pa Uvieu, con que en estu columbro un lletreron que decía nestos treminos TIATRO DE CAMPOPAMOR, compañía de Guerrero, este yel tiatru Rosona dixe yo vamos pa dientru, cuando tabemos nel pórtico vi a un señorin calvo y pequeñu que detrás dun ventanuco señes me taba faciendu, dixome quera el que vendía les entraes pa ver la función, pos déme 2 de lo meyor por supuestu, apurriiome dos papeles amariellos y cobrome dos pesetes que entovia toy sintiendu.
A la puerta había un home empirixilau y tiesu que cojiome los papeles y rompiomelos al medio, recodia nunca mayor ofensa me hubiera fechu delante la mió muyer el degorru del porteru, arremanguey la giá pa atizay a aquel zopencu, si non son las explicaciones que me dio finu y correuto, dixo quera un exquisito pa poder entrar adientro. Arreglose la custion y enseño mus el porteru, la escalera de botiar onde taben los asientus, llamabenlu el paraíso y mianicas yera un infierno el calor quelli facie mas propio dun amaguestu. Como soy observador de lo mas pluscuamperfeutu, puseme a oserbalu todo pa poder cuntalu lluegu, allí detrás había unos cada un con su estrumentu, unos tocaben siblatos outrus guitarras, ponterus y había un que tocaba un guitarron quel diañu me coma el fegadu, tendría 90 milímetros de profundidad lo menos.
Con que nestu suena un campanin por dientru y levantase la pare pa riva ¡virxen del cielo¡ yentoncies la mió Rosona que tien un destintu fiero dixome a la oreya: a Pacho barrunto que nada guenu va pasar en esta casa, y asina foy en efeutu, salió una moza muy guapa y tras della un majadero que quería po la fuerza conseguila, en tal aprietu comenzó a gritar la moza pa llibrase del maguetu que la abrazaba furioso, y en aquel estante mesmu apaez el mozu d´ella que vinia chando fuego, y sin decir boy apurrite arremangoy un estacazu que lu dexo allí endefeutu. Vienu el xuez con dos ceviles pa faese cargo del muertu, y con ellos también venia el padre del autor dáquel suceso que pa librar al so fiu del patible el prove vieyu dixo: yo matey a esi home, llevadme presu. Nadie garguto palabra pero yo non pude menos que gritar oyey mazcayos que non foy esi recuenganu¡ por decir estu na mas por pocu me llevan presu, allí que vien un señor y quieras que non llevome a un cafetucho pequeñu que llamaben berigu, y alli me fixo tar quietu, pensey quiva convidame pero quiá saco un cuaderno, tomome la filiación y poniéndose muy seriu fixome pagar de multa un machacante muy tiesu, y si non voy pal cuartón por meteme a barateru. Po eso ya vos lo dixe mil veces nun vuelvo dir más a Uvieu, debertivos y triunfay que yo ya scame dafechu.
No hay comentarios:
Publicar un comentario